Ingen savner Edward Niema

av Eivind Larssen

Edward Niema bor i en liten leilighet i Warszawa sammen med kona si. Han jobber som aktuar i et forsikringsselskap, er en mann som liker faste rutiner og er fornøyd med det enkle livet han lever. Når han i løpet av noen få uker mister både kona og jobben er det som han mister alle holdepunkter i livet. De var kona som ordnet det meste og som kom med forslag på hva de skulle foreta seg. Nå sitter han igjen alene i leiligheten uten helt å vite hva han skal gjøre.

Det viser seg at alle formaliteter rundt konas begravelse er ordnet på forhånd, det eneste han trenger er å velge musikk. Slik kommer han i kontakt med organisten Arek.

Det blir snart klart at Edwards kone har holdt visse ting hemmelig, og han må ta noen valg som gjør at han vikles inn i en ganske fantastisk historie. En konvolutt merket "første konvolutt", i konas etterlatenskaper gjør at ting begynner å skje. Han overrasker seg selv med å slå til på et tilbud som "er for godt til å være sant", og kommer dermed i kontakt med et miljø som fra før var totalt ukjent for han.

Boka er skrevet i et godt språk og er både underfundig, morsom og spennende. En original roman om tap og savn, om ensomhet og om overraskende vennskap.






Bodil Vorkinn
Dovre folkebibliotek

Med himmelen under oss

av Anja Hagelund

25 år gamle Erika slit med tvangshandlingar. Ho likar ikkje ljoset og dagen, og ho går kvar onsdag på biblioteket for å låne bøker, bøker ho aldri les. Boka startar med at Erika blir tvangsinnlagt på sjukehus, og vi får ta del i kvardagen hennar på sjukehuset. Ho kan mykje om det å vere psykisk sjuk, noko som kjem fram under samtalar med psykiateren sin, Ole; han som skal halde styr på denne svært eksentriske jenta. Etter kvart skal Erika klare seg sjølv og ho får ein ny ven.

Vi ser verda frå Erika sitt perspektiv, og det enkle, men gode språket speglar Erika si enkle, men samstundes vanskelege tilnærming til livet. Sjølv med eit alvorleg tema er boka på inga måte mørk; ho er humoristisk, litt tragikomisk, men det er det som gjer boka så fin. Det mest alminnelege kan gjere Erika lamslegen, og ho kan kome med spottande utsegn:
- Det var jo du som ringte og ba dem om å komme. - Ja, ellers hadde jeg jo dødd! - Det er sant. - Hadde du klart å leve med det, Ole?" (underteikna si utheving, s. 33)

Romanen er kort og lett å lese.Tematikken er alvorleg, men høgst aktuell i dag, ikkje minst for dei unge som slit med psykiske problem.


Ann Kristin Leirmo
Lesja bibliotek

Barneloven

av Ian McEwan

Advokaten Fiona lever i eit barnlaust ekteskap med universitetsprofessoren Jack, og saman har desse to eit lang samliv bak seg. Jack gjev imidlertid uttrykk for at han ikkje blir tilfredsstilt i samlivet, og etter kvart gjer han det tydeleg at han vil ha eit sidesprang for å leve ut lystene sine med ei yngre kvinne -for å oppnå kroppsleg ekstase ein siste gong i livet, som han så frilyndt seier det.

Fiona på si side har meir enn nok med seg sjølv, etter at ho får ei svært vanskeleg sak i fanget som dommarfullmektig i barnesaker. Eit sjukehus stemner eit foreldrepar for retten for å nekte den leukemiramma 17 år gamle sonen sin blodoverføring grunna religiøs overtyding. Dei lever eit strengt liv som Jehovas Vitne, noko som mellom anna inneber at dei tek totalt avstand frå blodoverføringar.

Etter at båe partar har vore gjennom sine prosederingar i retten, bestemmer Fiona seg for å oppsøkje den unge guten på sjukehuset. Parallelt med dette, går det skeive samlivet si kronglute gonge for Fiona og Jack.



McEwan skriv med ein forunderleg klokskap og ei sjeldan litterær styrke, og leverer her ei viktig bok om eit viktig tema!

Merete Byrøygard
Lom folkebibliotek

 

Billie

av Anna Gavalda

Anna Gavalda skildrar også i denne romanen utskota, dei verjelause.  "Billie" er historia om to svært ulike menneske som ikkje let fordommar eller skakkøyrd barndom stå i vegen for livet og draumane sine. Billie og Franck er to utskot. Ho frå fattige og brutale kår, han er ein homofil rikmannsgut. På underleg vis finn dei saman. Siste året på ungdomsskulen skal  Billie spele i eit teaterstykke saman med Franck. Han har ein tilfluktstad hjå bestemor si, og her finn dei begge både ro og rom for heite diskusjonar om store spørsmål.

"Dei arbeidde som dyr, forsørgde kvarandre, plastra kvarandre, drakk kvarandre full, fekk kvarandre edru, kjefta på kvarandre, gjekk frå kvarandre, hadde kvarandre opp i halsen, forkjælte kvarandre, fornærma kvarande, avskydde kvarandre, kutta kvarandre ut, oppgraderte kvarandre, skuffa kvarandre, elska kvarandre, fann saman igjen og støtta kvarandre heile vegen, og først og fremst lærte dei å løfte haka saman. Det er dei som har levd. Det er det."

På ein fjelltur dett dei utfor ein skrent. Billie fryktar for livet til Franck, og veit ho ikkje vil leva utan venen. Medan Billie strevar med å halde liv i Franck gjennom natta, fortel ho historia deira, frekk, humoristisk og rørande – akkurat slik vi likar Gavalda best.

Det røffe, ungdommelege språket kjem fint fram i Tove Bakkes sprelske, nynorske omsetjing.

God bok!

Sigrun Eide
Skjåk folkebibliotek